各位靚女，我又返來喇！

我年生日真係好難忘好開心！再次多謝我既好好朋友！

我隻腳指尾總未好返，星期三會去做凍療，有時間就打來關心下我喇。

每次寫教材就好頭痕，好想死......跟住就會好想嫁個有錢人，唔使煩；但又痛恨自己唔可以將就。

星期三想去睇醫生好鬼驚..............

又成個月無寫日記喇！本來腍住係新年假完成晒普通話教材，點知失敗著，呵呵呵。

遲d又要返學，又要懶忙咁，有d唔係好慣，不過又可以多d機會見到小b琪喇，呵呵呵。

yanyan前排話要唔見咁多男朋友，我又見得太多怪獸，所以話要我多d搵佢，點知佢又唔見著人‧‧‧yanyan你係邊喇‧‧‧喇‧‧‧(回音)

原來李輝都唔係好睇得開，好多事情都係同普通女仔無分別，只不過係佢性格鍾意挑剔人地，同人地講一大堆懶道理既道理，當事情埋身，李輝都係需要朋友既提醒，但佢無朋友們咁明白事理，佢又固執又蠢又...................

呢排同怪獸行得好埋................用錯字眼，係時時見面，我地真係littletwinstart

我地有時會唔會因為對一個初見面既人有少少好感，於是自己就係心裏面暗暗地將佢美化，加以想像，最後便一相情愿地以為佢就係一個點好既人，其實我地對真正既“佢”又有幾多認識呢？

可能，可能佢真係一個好人；可能，可能佢根本無我地腍到咁好......有時，我地初時對佢既印象麻麻，但識落先發覺原來佢係一個好人，好過果d淨係識做d表面工夫既人(呢類人往往就會有我上面是到既情況)。

到底我地要點樣去分識到好人同衰人呢？人往往好多時都係憑第一印象去睇一個人，如果第一印象好，便直覺兼麻木地認為佢係好人；相反，第一印象唔好，我地就會先入為主，於是人地做乜都覺得唔順眼。好多時就係咁，我地就錯過著好多可以真正做好朋友人。

所以，綜合自己咁多年失敗走漏眼既經驗，我會係初識一個人時，就同自己講：「佢依家好似同我好好，份又唔錯嗜，可能遲d就會發覺佢既真性情；果個人依家俾我既感覺好似佢好衰咁，不過可能佢先係一個大好人。」我希望自己可以做到唔好咁早對一個新朋友下定斷，但唔係次次都做到，因為大家都為人，係人就都會有犯錯同有野係做唔到。

所謂：「路遙知馬力，日久見人心」我地都係要有多d時間慢慢去觀察。

(以上內容純屬個人一時既感慨，旨在發洩一時既悶氣，不必深究)